Fréttir

Fyrir skömmu var átaki í vímuefnavörnum; Á ALLRA VÖRUM - VAKNAÐU hleypt af stað með kynningarherferð. Í myndbandinu og auglýsingum sem keyrðar hafa verið, er einmitt nemandi úr FG í aðalhlutverki, en það er Blær Hinriksson. Allt of margir ungir einstaklingar láta lífið á hverju ári af völdum vímuefnaneyslu, en árið 2018 létust alls 39 einstaklingar af völdum fíkniefna á Íslandi (Heimild: http://www.aallravorum.is/Frettir/) Hægt er að leggja málefninu lið með því að hringja í 900 númer söfnunarinnar: 907-1502 fyrir kr. 2000 907-1504 fyrir kr. 4000 907-1506 fyrir kr. 6000 907-1508 fyrir kr. 8000 907-1510 fyrir kr. 10.000 Eða millifæra frjáls framlög inná reikning 537 26 55555, kennitala: 510608-1350

Félagslíf NFFG rúllar nú í gang, en það er bæði eðlilegur og nauðsynlegur hluti af skólastarfinu. Tveir atburðir eru á næstunni; þann 28.ágúst verða prufur fyrir Morfís, sem er mælsku og ræðukeppni framhaldsskólanna og tveimur dögum síðar verður leikfélag skólans, Verðandi, með það sem kallað er Open Mic, þar sem fólki gefst í raun tækifæri á því að koma sér á framfæri. Tökum þátt og verum með - NFFG þarfnast þín!

Birna Filippía Steinarsdóttir, nemi af Alþjóðabraut-viðskiptasviði, varð dúx FG á vorönn 2019, en 35. brautskráning skólans fór fram í Urðarbrunni þann 25.maí.

Brautskráning á vorönn 2019 fer fram í hátíðarsal FG, Urðarbrunni, laugardaginn 25.maí og hefst hún stundvíslega klukkan 11.00. Gott að mæta tímanlega upp á bílastæði að gera.

Verið hjartanlega velkomin á samsýningu nemenda í lokahópum listnámsbrautar FG sem opnar miðvikudaginn 1. maí kl. 16:00 í Gróskusalnum við Garðatorg.

Þrjú fyrirtæki frumkvöðla úr FG komust áfram í lokakeppni í frumkvöðlafræðum, sem haldin verður þann 30.apríl næstkomandi.

Komið er páskafrí í FG, en kennsla hefst aftur miðvikudaginn 24.apríl. Gleðilega páska!