Félagsvísindabraut

Félagsvísindi
Markmið brautarinnar er að nemendur öðlist góða almenna þekkingu á sviði félags- og hugvísinda, geti greint einkenni og þróun samfélaga og geri sér grein fyrir mótunaröflum einstaklinga og hópa. Einnig eiga nemendur að þekkja sögu og þróun menningar, trúarbragða, uppeldisstefna, stjórnmála og fjölmiðla í fortíð og nútíð.

Námsmat
Námsmat er fjölbreytt og felst meðal annars í ritgerðum og ýmsum verkefnum, prófum, jafningjamati og sjálfsmati.

Reglur um námsframvindu
Nemandi þarf að ljúka 202 einingum til að ljúka stúdentsprófi. Námstíminn er að meðaltali 9-12 annir. Lágmarkseinkunn er 5,0 í öllum áföngum.

Hæfniviðmið
Að loknu námi skal nemandi hafa hæfni til að ...

• takast á við háskólanám í félags- og hugvísindum.
• afla sér upplýsinga og þekkingar á skipulagðan og gagnrýninn hátt jafnt einn sem og í samvinnu við aðra.
• miðla upplýsingum bæði skriflega og munnlega á skýran og skilmerkilegan hátt.
• vitna í upplýsingar í samræmi við reglur um meðferð heimilda.
• taka þátt í rökræðum þar sem hann getur tjáð skoðanir sínar, rökstutt þær og hlustað á skoðanir annarra.
• skilja þá umræðu sem fer fram í samfélaginu og geta myndað sér skoðanir á henni.
• skilja aðstæður fólks og geta sett sig í spor þeirra sem búa við önnur skilyrði en hann sjálfur.
• meta eigin styrkleika og veikleika.
• bera ábyrgð á sjálfum sér og eigin námi.
• skilja og geta tjáð sig á íslensku jafnt sem erlendum tungumálum.
• meðhöndla og túlka tölulegar upplýsingar.
• gera sér grein fyrir mikilvægi umhverfisins, skynsamlegrar nýtingu þess og verndunar.
• sýna frumkvæði og beita sköpun við lausn flókinna verkefna.

 Umsögn nemanda: Salný Kaja Sigurgeirsdóttir