Hönnunar- og markaðsbraut

Hönnunar- og markaðsbraut
Markmið brautarinnar er að nemendur öðlist góða almenna þekkingu á sviði hönnunar- og markaðsfræði og að nemendur geti greint fjölbreytileika hönnunar í atvinnulífinu. Annars vegar með verklegri þjálfun, með áherslu á þátt nýsköpunar í hönnun, og hins vegar með bóklegri þjálfun er varðar lögmál markaðarins. Nemendur öðlast markaðslega færni og innsýn í rekstur fyrirtækja í góðri tengingu við atvinnulífið.

Námsmat
Námsmat er fjölbreytt og felst meðal annars í ritgerðum og ýmsum verkefnum, prófum, jafningjamati og sjálfsmati.

Reglur um námsframvindu
Nemandi þarf að ljúka 202 einingum til að ljúka stúdentsprófi. Námstíminn er að meðaltali 9-12 annir. Lágmarkseinkunn er 5,0 í öllum áföngum.

Hæfniviðmið
Að loknu námi skal nemandi hafa hæfni til að ...

• mynda góð tengsl milli atvinnulífs og skóla og að þau séu fjölbreytileg og í takt við nýjungar í atvinnulífinu.
• hafa góða markaðslega færni og innsýn í rekstur fyrirtækja og geta metið mikilvægi verkefna.
• vita hvernig hönnun og markaðsgreinar tengjast atvinnusköpun og samfélagsþróun.
• geta greint fjölbreytileika hönnunar í atvinnulífinu.
• geta tjáð sig í gegnum ýmsa miðla, og taka þátt í rökræðum. 
• þekkja meginstrauma í þróun og menningu hönnunar í fortíð og nútíð.
• geta nýtt sér sköpunarkraft sinn á margvíslegan hátt í lífi og starfi.
• virkja frumkvæði, skapandi hugsun og sjálfstæði í vinnubrögðum.
• geta miðlað hugmyndum og útskýrt vinnuferli og breytt hugmynd í afurð.
• stunda frekara nám í hönnun og markaðsgreinum.
• taka þátt í samvinnu og samskiptum.

Umsögn nemanda: Gunnlaugur Sævar Gunnlaugsson

Leiðbeiningar um val áfanga