2. fundur skólaráðs - vorönn 2025
2. fundargerð á vorönn 2025 miðvikudaginn 19. mars kl. 11:30
-
Umsóknir um leyfi
Að þessu sinni lágu 23 leyfisbeiðnir fyrir fundinum og var afgreiðsla þeirra hefðbundin.
Afgreiðsla umsókna um leyfi verður send á netfang viðkomandi nemanda. Ekki er hægt að sækja um leyfi fyrir fleiri en fimm dögum á önn. Leyfi vegna íþrótta og þátttöku í ungmennastarfi eru afgreiddar strax en umsóknir um önnur leyfi fá ekki endanlega afgreiðslu fyrr en í lok annar. Samþykkt leyfisumsókna er háð því að skólasókn sé að minnsta kosti 97% fyrir utan þá 1-5 daga sem sótt er um leyfi fyrir. Skólinn gefur ekki leyfi á námsmatsdögum.
-
Af vettvangi NFFG
- Árshátíðin gekk mjög vel, maturinn var góður og gaman að vera í Hörpu. Ballið gekk líka vel og var skemmtilegt og sama á við um Skor þar sem nokkur hópur nemenda kom saman á milli hinna viðburðanna. Færri komust á ballið en vildu. Kristinn leggur til að biðlistinn verði geymdur til næsta árs og þeir nemendur sem ekki komust í matinn þá fái að vera í forgangi næst. Sigríður Anna leggur til að hugað verði sérstaklega að því að skiptinemar fái miða.
- Ásgeir fer yfir fjármál árshátíðar og NFFG og segir þau í góðu horfi.
- Nemendur langar að kaupa eitthvað inn til skólans ef afgangur verður í vor.
- Níunda apríl kemur Hamborgarabúllan með matarvagn í hádegi.
- Þann 1. apríl kemur Birnir í heimsókn í smiðju og kynnir nýja plötu. Þá verður væntanlega pylsupartý líka.
- FG keppir í Morfískeppninni nk. sunnudag 23. mars við FS og sækir FS heim.
- Góðgerðarvika verður haldin á vegum NFFG 7. - 11. apríl. Dagskráin verður fjölbreytileg, ýmsar áskoranir verða á dagskrá, góðgerðarhlaup og flöskusöfnun. Nemendur ætla að styrkja barna- og unglingageðdeild og í upphafi vikunnar verður boði upp á stuttan fyrirlestur um geðheilbrigði, forvarnir og bjargráð. Nemendum hrósað fyrir metnaðarfulla dagskrá.
- FG peysurnar komnar í merkingu og verða auglýstar bráðlega til sölu.
- Söngkeppnin verður haldin 12. apríl nk. í Háskólabíói. Arna Rut Arnarsdóttir syngur fyrir hönd NFFG.
-
Önnur mál
- Rætt um að þrífa aðeins fyrir utan skólann og jafnvel að bjóða einhverjum námshópum að taka þátt í því og fá hádegisverð að launum.
- Auður minnir á að senda þarf póst á allan árganginn sem er fæddur 2006 um dimmisjón og bjóða þeim að taka þátt.
Fundinn sátu:
- Anna María Gunnarsdóttir, aðstoðarskólameistari og fundarritari
- Berglind M, Valdimarsdóttir, forvarnarfulltrúi
- Auður Sigurðardóttir, náms- og starfsráðgjafi
- Ásgeir Óli Egilsson, gjaldkeri NFFG
- Dagný Broddadóttir, náms og starfsráðgjafi
- Guðmundur Stefán Gíslason, verkefnastjóri
- Kolfinna Björt Þórðardóttir, forseti NFFG
- Kritinn Þorsteinsson, skólameistari
- Kristín Helga Ólafsdóttir, áfangastjóri
- Sigríður Anna Ásbjörnsdóttir, kennari
- Tinna Ösp Arnardóttir, kennari