Fréttir

Verðlaun fyrir plakatkeppni gegn fordómum voru veitt fyrr í vikunni. Keppnin var hluti af dagskrá FG gegn fordómum á vorönn. Það voru nemar í fjölmiðlafræði sem urðu hlutskarpastir, en plakatið sem vann bara yfirskriftina ,,Það eru litlu hlutirnir..."

Ljóðasýning nemenda stendur nú yfir. Að þessu sinni var ort gegn fordómum en ljóðin eru framlag til lokaáfanga íslensku. Ljóðin eru til sýnis og lesturs við stofuna V302

Þann 5. maí fóru fram framhaldsskólaleikar ÍBR/RIG. Þetta er í fyrsta skipti sem þessi keppni er haldin og var á milli Borgó, FB og FG. Keppt var í Crossfit, pílu og keilu og fór keppnin fram í Egilshöll. Hugmyndin er að gera þessa keppni að árlegum viðburði og hafa fleiri skóla með. FG sigraði keppnina. Keppendur FG voru: Crossfit: Erika, Thelma Ósk, Hrafnildur, Rakel, Sigrún, Dagný Lind, Hlynur, Eyþór, Viktor, Sindri Dagur, Hassan, Sebastian og Gunnar Snær. Píla: Daníel Dagur, Fróði, Aron, Benjamín, Friðrik, Ívar Andri.Keila: Hjördís, Breki Arndal, Sigrún, Dagný Lind, Daníel Breki og Arnar Freyr. Vel gert FG!

Verið hjartanlega velkomin á lokasýningu hjá nemendum Listnámsbrautar FG föstudaginn 13 Maí kl 17:00. Þá verður opnun hjá nemendum á myndlistarbrautinni kl 18:00 sýnir lokaáfangi af Fata- og textílhönnunarbraut tískusýningu í Urðarbrunni hátíðarsal skólans. Vonum að sem flestir sjái sér fært að mæta. Myndlistarsvið Sýningin er afrakstur vinnu 7 nemenda í lokaáfanga á myndlistarsviði. Viðfangsefni þeirra eru ólík og hefur hver og einn þróað eigin aðferðir og efnistök. Nemendur sem eiga verk á sýningunni Alexandra Rán Viðarsdóttir Eva Rut Halldórsdóttir Hekla Ýr Þorsteinsdóttir Katrín Edda Lan Þórólfsdóttir Melkorka Harðardóttir Oddrún Arna Einarsdóttir Védís Ýmisdóttir Nemendur af Fata- og textílhönnunarbraut Við erum 6 nemendur í lokaáfanga af Fata- og textílhönnunarbraut í FG. Arna Thoroddsen Helga Finnborg Oddsdóttir Íris Jóna Egilsdóttir Ísabel Pétursdóttir María Björt Kristinsdóttir Rakel María Ósmann Jónsdóttir

Fjögur fyrirtæki í frumkvöðlafræðum í FG komust áfram í keppni Ungra frumkvöðla sem fram fór fyrir skömmu. Fyrirtækin sem komust áfram voru fjögur MAKAJ sem framleiðir drykk með d- vítamíni og kollageni. Jökull sem framleiðir íslenskt vatn í dós, Taylored sem er endursölusíða og Boulljé hraðsuðu-hafragrautur. Vel gert!

Það var hress hópur nemenda sem hyggur á brautskráningu sem dimmiteraði í FG föstudaginn 6.maí síðastliðinn. Um er að ræða hóp sem telur rúmlega 100 manns, sem er með þeim stærri undanfarin ár. Tóku þau lagið í stiganum af mikilli innlifun, eins og myndin sýnir og eftir sönginn fóru þau svo að skemmta sér úti í bæ. Kennslu á vorönn lýkur miðvikudaginn 18.maí og þá hefjast próf. Brautskráning fer síðan fram laugardaginn 28.maí.

Það verður úrvalslið listamanna sem stígur á svið í Urðarbrunni næstkomandi þriðjudagskvöld, en þá verða haldnir tónleikar í tengslum við þá fordómadagskrá, sem er í gangi í skólanum. Það er ekki á hverjum degi sem tónleikar af þessari stærðargráðu fara fram í FG og því mjög ánægjulegt. Um er að ræða GDRN, Frikka Dór og Jóa P og Króla, en Jói P er stúdent frá FG. Allt tónlistarmenn í fremstu röð. Tónleikarnir hefjast kl. 20. 00 og er frítt inn. VEL MÆTT og FRÍTT INN!

FG stendur fyrir dagskrá gegn fordómum nú í lok aprílc, en fordóma er að finna víða í samfélaginu og hafa verið til mikillar umræðu upp á síðkastið. Leikarinn og fyrrum kennari í FG, Bjarni Snægbjörnsson, hóf leikinn með sýningu sinni ,,Góðan daginn faggi" sem hann sýndi nemendum þriðjudaginn 26.apríl. Byggir verkið lífreynslu hans sjálfs og hefur fengið mjög góða dóma. Dagskráin heldur áfram næstu daga og það er fleira í pípunum. Þangað til er svo bara gott að hlusta á Pollapönk.

Nemendur í fjölmiðlafræði fóru fyrir skömmu í heímsókn á Stöð 2/SÝN og kynntu sér starfsemina, Alls starfa um 450 manns hjá fyrirtækinu á Suðurlandsbraut. Það var fréttastjórinn sjálfur, Kolbeinn Tumi Daðason, sem tók á móti hópnum og rölti með FG-ingum um svæðið í skemmtilegu spjalli og fróðleik um fyrirtækið og starfsemi þess. Strax í byrjun æstust leikar, en þá þrömmuðu Steindi Jr. og Hjálmar Örn Jóhannsson fram á hópinn, en þeir voru á leið í tökur á þættinum Stóra sviðið. Gáfu þeir sér tíma til að spjalla við nemendur - og þeir voru auðvitað til í mynd (sem Gunnar Hólmsteinn Ársælsson tók). Síðar hitti hópurinn svo útvarpsfólkið Ósk Gunnarsdóttur (enginn skyldleiki við GHÁ) og áhrifavaldinn Gústa B, en hann er nýbýrjaður á FM957. Þau voru einnig alveg til í mynd. Skemmtilegt.