Umhverfisvika nálgast: Útskriftarnemar gróðursetja

FG er grænn og umhverfisvænn skóli

FG er grænn og (umhverfis)vænn skóli. Undanfarin misseri hefur farið fram mikil vinna í skólanum sem miðar að því að ná þeim markmiðum sem sett eru til þess að skólar geti orðið ,,grænir“ (sjá mynd). Svokölluð ,,græn skref“ og þeim náði FG fyrr á þessu ári.

Unnið hefur verið að endurbættri Umhverfisstefnu og Samgöngustefnu og sett fram sérstök Loftlagsstefna, sem og aðgerðaráætlun fyrir Loftlagsstefnuna.

Þung vísindaleg rök hníga að því að ýmislegt í hegðun mannsins hafi áhrif á umhverfi hans og þar með talið loftslagsmál. Til dæmis var einu sinni til jökull á Vestfjörðum sem hét OK, en hann er þar ekki lengur, ekki sem jökull að minnsta kosti.

FG hefur t.d. sett inn sérstaka Umhverfisviku inn í námsáætlanir nemenda, til þess að vekja athygli á mikilvægi þessa málaflokks og kennarar hafa tengt efnið við kennsluna.

Nú um miðjan september, í Umhverfisvikunni, munu útskriftarnemendur gróðursetja trjáplöntur í ræktunarreit sem skólinn hefur fengið úthlutað hjá Skógræktarfélagi Garðabæjar í  Smalaholti.