Söguhópur í Berlín

Hópurinn fékk meðal annars leiðsögn um Sachsenhausen útrýmingarbúðirnar frá seinna stríði, en þar dvaldi Íslendingur, Leifur Müller, sem lifði af. Um 30.000 manns gerðu það hins vegar ekki.

Söguhópur á vegum Hilmars Sigurjónssonar um Kalda stríðið svokallaða (1945-1991), gerði góða ferð til Berlínar dagana 3.-7.október.

Farið var á ýmsar söguslóðir í þessari merku og ,,söguhlöðnu“ borg, sem var rústir einar eftir seinni heimsstyrjöldina og var síðan skipt upp á milli stórveldanna í lok stríðs. Síðan kom Austur og Vestur-Þýskland, Berlínarmúr, allskyns kúgun og mannréttindabrot.

Þetta ,,kaldastríðskerfi" hrundi svo endanlega á árunum 1989-1991, því lauk með falli Sovétríkjanna og sameiningu Þýsklands. Ferðin heppnaðist vel og voru þátttakendur mjög glaðir.