Skjátuspjall Andra og Höllu

Skjátan er hlaðvarp sem Andri Dan og Halla Stella hafa haldið úti að undanförnu

Í dag er staðan þannig að maður er varla maður með mönnum eða kona með konum án þess að vera með hlaðvarp (e.podcast).

Sá ,,bransi“ hefur einfaldlega sprungið út á síðustu árum og svo virðist vera sem nær óþrjótandi markaður sé fyrir fjölmiðlaefni af þessu tagi.

Og nemendur í FG láta ekki sitt eftir liggja, en ,,Skjátan“ er nafn á hlaðvarpi sem þau Halla Stella og Andri Dan hafa haldið úti um nokkurt skeið.

Gestirnir hafa ekki verið af verri endanum, í fyrsta þættinum sat Gísli Marteinn fyrir svörum og á eftir honum kom Ólafur Darri, einn vinsælasti leikari Íslands.

Í þætti þrjú mætti svo ,,yfirsveppurinn“ sjálfur, Sveppi Krull, en í þætti fjögur var ekki farið langt til að leita að viðmælanda, en þar er sjálfur Davíð Kúld kennari í FG í viðtali.

Yfirbragð þáttanna er hressilegt og afslappað og alla þættina sem hingað til hafa komið má finna á Spotify, hvar annars staðar.

Skemmtilegt.