ÍSLE1UN05 - Undirbúningsáfangi

undirbúningsáfangi í íslensku

Einingafjöldi: 5
Þrep: 1
Forkröfur: Fyrir nemendur sem fá C á grunnskólaprófi eða hafa klárað ÍSLE1UA05.
Í áfanganum eru nemendur þjálfaðir í ólíkum gerðum ritsmíða og ýmsu sem tengist málnotkun og tjáningu. Nemendur rifja upp helstu hugtök bókmenntafræði og bragfræði sem og helstu stafsetningarreglur, málfræðihugtök og grunnatriði setningafræði. Í áfanganum lesa nemendur smásögur, skáldsögu, Íslendingaþætti og ljóð sem og annað efni sem stuðlar að aukinni lestrarfærni og getu til túlkunar. Nemendur styrkja eigin málfærni með því að flytja efni í ræðu og riti.

Þekkingarviðmið

  • málfræðihugtökum og ritreglum sem nýtast í tal- og ritmáli
  • mismunandi tegundum bókmennta og grunnhugtökum í bókmenntafræði
  • helstu hugtökum er tengjast ritun

Leikniviðmið

  • rita vel uppbyggðan texta
  • nota viðeigandi hjálpargögn við frágang ritsmíða
  • nýta málfræðihugtök og ritreglur til að efla eigin málfærni
  • lesa sér til gagns og gamans nytjatexta og bókmenntaverk frá ýmsum tímum og fjalla um inntak þeirra á fræðilegan hátt
  • flytja af nokkru öryggi ræður, endursagnir, lýsingar og kynningar á tilteknum málefnum

Hæfnisviðmið

  • vinna í tengslum við námsefnið og sýna nokkur tilbrigði í málnotkun
  • beita skýru og blæbrigðaríku máli í ræðu og riti
  • taka þátt í málefnalegum umræðum, byggja upp skýra röksemdafærslu, tjá afstöðu og efasemdir um efnið og komast að niðurstöðu
  • styrkja eigin málfærni með því að nýta sér málfræðiupplýsingar og ritreglur
Nánari upplýsingar á námskrá.is