SÁLF3ÞU05 - Þroska-og uppeldisfræði

þroska- og uppeldisfræði

Einingafjöldi: 5
Þrep: 3
Forkröfur: FÉLV2AF03 eða ÍSLE2MG05
Áfanginn fjallar um þroskaferli barna og unglinga. Auk þess verða samskipti barna og unglinga við foreldra sína og aðra félagsmótunaraðila skoðuð. Sérstaklega er tekinn fyrir þroski greindar, tilfinninga, geðtengsla og félagslegra samskipta. Áhersla er lögð á þróun sjálfsmyndarinnar og hvaða þættir hafa þar áhrif. Nemendur æfa sig í að greina þá þætti sem hafa mótað þá í lífinu og læra að tengja hinar ýmsu kenningar í þroskasálfræði og uppeldisfræði við mismunandi hegðun og aldursskeið barna og unglinga. Nemendur fá tækifæri til að rökræða ýmis álitamál tengd uppeldi og þroska barna. Lögð er áhersla á að nemendur öðlist þekkingu í að nýta þá kunnáttu sem þeir öðlast í áfanganum úti í hinu daglega lífi. Áfanginn kynnir einnig helstu frumkvöðla innan greinarinnar svo og kenningar og hugtök sem skipta mestu máli.

Þekkingarviðmið

  • þroska mannsins út frá sálfræði og uppeldisfræði
  • helstu kenningum og hugtökum í sálfræði og uppeldisfræði
  • framlagi þroskasálfræðinnar til sálfræðinnar sem fræðigreinar og til samfélagsins
  • hvernig undirstöðuþekking í uppeldisfræði getur nýst til að búa nemendur undir störf á sviði
  • uppeldis og umönnunar og hugsanlegt foreldrahlutverk í framtíðinni

Leikniviðmið

  • afla upplýsinga, greina þær og setja í fræðilegt samhengi
  • nota APA kerfið við heimildavinnu
  • miðla fræðilegri þekkingu skýrt og skilmerkilega

Hæfnisviðmið

  • vinna úr rannsóknargögnum og leggja á þau mat
  • sýna frumkvæði og hæfni í sjálfstæðum vinnubrögðum
  • taka þátt í rökræðum sem snúa að efni áfangans
Nánari upplýsingar á námskrá.is