FÉLA1SA04 - Félagsfræði samfélagið sérnám

Samfélagið

Einingafjöldi: 4
Þrep: 1
Í áfanganum er lögð áhersla á að nemandi auki skilning sinn á samspili einstaklings og samfélags og vinni verkefni sem hafa það að markmiði að styrkja hann sem einstakling í samfélaginu. Frætt er um ólík fjölskylduform, mikilvægi menntunar, gildi vináttunnar, heilsugæslu, samgöngur og mikilvægi laga og reglna í samfélagi. Útskýrt er hvernig lýðræðisþjóðfélag eins og okkar er uppbyggt. Farið er yfir hlutverk Alþingis og ríkisstjórnar. Einnig er fjallað um fjölmiðla, áhrifamátt þeirra og gildi þess að fylgjast með fréttum.

Þekkingarviðmið

  • helstu stoðum íslensks samfélags
  • ólíkum fjölskylduformum
  • því hvernig lýðræðisþjóðfélag er uppbyggt með tilliti til starfa Alþingis og ríkisstjórnar
  • lýðræðislegum kosningum
  • helstu fjölmiðlum
  • eigin styrkleikum og hvernig þeir nýtast t.d. í tómstundastarfi og áframhaldandi menntun
  • ólíkum samskiptareglum, hvort sem er á vinnustað, í umferðinni og úti í náttúrunni
  • ýmis konar afþreyingu og skemmtun sem býðst til tómstunda

Leikniviðmið

  • greina á milli helstu stjórnmálaflokka eins og kostur er
  • greina á milli helstu fjölmiðla og vita hvar á að leita eftir ýmis konar upplýsingum
  • velja sér hugðarefni í tómstundum

Hæfnisviðmið

  • taka þátt í lýðræðislegum kosningum
  • nýta sér fjölmiðla
  • bera virðingu fyrir náttúrunni
  • eflast í trú á sjálfan sig og finna að framlag hans sé einhvers virði til þess að bæta umhverfið
Nánari upplýsingar á námskrá.is