SAGA1ÍL04 - Saga Íslandssaga sérnám

Markmið áfangans er annars vegar að varpa ljósi á íslenskt samfélag frá lokum miðalda til aldamótanna 1900 og hins vegar að veita skýra innsýn í samfélag 20. aldar. Gerð er grein fyrir þróun íslensks samfélags í réttri tímaröð en tilteknir þættir samfélagsins teknir fyrir og útskýrðir. Megineinkenni og átakalínur í samfélaginu á hverjum tíma eru dregnar upp og nemendum veitt innsýn í samfélag þar sem þeir geta áttað sig á lífsskilyrðum almennings og ólíku hlutskipti landsmanna varðandi auð og völd. Sagan er sett í erlent samhengi eftir því sem við á.