HBFR1HL04 - Heilbrigðisfræði heilbrigt líf sérnám

Markmið með áfanganum er að nemandi öðlist þekkingu til að geta tekið ábyrgð á eigin heilbrigði. Áhersla er lögð á að efla þá sjálfsvitund og sjálfstæði sem fylgir því að verða fullorðinn. Nemandi lærir um mikilvægi hreinlætis og umhirðu líkamans, holla lífshætti svo sem tengsl hreyfingar og mataræðis á líkamlega og andlega heilsu. Nemendum eru kenndir undirstöðuþættir í kynhegðun og kynlífsheilbrigði. Þá fjallar áfanginn einnig um skaðsemi tóbaksreykinga og vímuefna. Að lokum er farið yfir helstu þætti skyndihjálpar.