Náttúrufræðibraut

Markmið brautarinnar er fyrst og fremst að búa nemendur undir frekara nám í náttúruvísindum. Brautin skiptist í tvö svið, tæknisvið og heilbrigðissvið. Lögð er áhersla á að nemendur fái góða þekkingu í stærðfræði og náttúrufræðigreinum. Á tæknisviði er mikil áhersla lögð á stærðfræði, eðlisfræði og tölvunarfræði enda er það hugsað sem góður undirbúningur undir frekara nám í raunvísindum, stærðfræði , verkfræði og tæknigreinum. Á heilbrigðissviði er meiri áhersla lögð á líffræði og efnafræði og er þetta svið traustur grunnur undir frekara nám í lífvísindum og heilbrigðisvísindum.

Námsmat
Námsmat er fjölbreytt og felst meðal annars í ritgerðum og ýmsum verkefnum, prófum, jafningjamati og sjálfsmati.

Reglur um námsframvindu
Nemandi þarf að ljúka 202 einingum til að ljúka stúdentsprófi. Námstíminn er að meðaltali 9-12 annir. Lágmarkseinkunn er 5,0 í öllum áföngum.

Hæfniviðmið
Að loknu námi skal nemandi hafa hæfni til að ...

• afla sér upplýsinga og þekkingar á skipulagðan og gagnrýninn hátt jafnt einn sem og í samvinnu við aðra.
• taka þátt í rökræðum þar sem hann getur tjáð skoðanir sínar, rökstutt þær og hlustað á skoðanir annarra.
• skilja þá umræðu sem fer fram í samfélaginu og geta myndað sér skoðanir á henni.
• njóta, virða og vernda náttúruna og nýta hana á skynsamlegan hátt.
• lesa fræðigreinar náttúruvísinda bæði á íslensku og erlendum tungumálum.
• nota helstu rannsóknartæki.
• beita vísindalegri hugsun og aðferðum við öflun upplýsinga, mælinga, úrvinnslu og túlkun á niðurstöðum.
• nota stærðfræðiþekkingu við úrlausn verkefna.
• nota heimildir og vitna í þær samkvæmt stöðluðum reglum.
• miðla upplýsingum bæði skriflega og munnlega á skýran og skilmerkilegan hátt.
• takast á við háskólanám í raunvísindum, heilbrigðisvísindum, stærðfræði, verkfræði og skyldum greinum.

 Umsögn nemanda: Helgi Már Herbertsson

Leiðbeiningar um val áfanga